📣 Lajmi i Ditës!

Jemi të lumtur t’ju njoftojmë se Kompleksi Pika Prestige ka përfunduar me sukses procesin e pajisjes me Fletë Poseduese, duke shënuar një arritje të jashtëzakonshme në një kohë rekord prej vetëm pesë muajsh pas dorëzimit të banesave. Kjo është një dëshmi e përkushtimit tonë për të realizuar projekte cilësore, të qëndrueshme dhe të besueshme për të gjithë klientët tanë.

Kompleksi është ndërtuar sipas një plani dinamik dhe rigoroz, duke respektuar të gjitha standardet dhe kërkesat e ndërtimit modern. Çdo aspekt i projektit është monitoruar me kujdes për të siguruar që cilësia e punimeve të përmbushë dhe tejkalojë pritshmëritë tuaja. Ky është kompleksi ynë i katërt radhazi që pajiset me dokumentacion të plotë dhe të rregullt, duke përfshirë Pranimin Teknik, Certifikatën e Përdorimit, dhe tani edhe Fletën e Posedimit.

I ftojmë të gjithë banorët e Kompleksit PIKA Prestige të fillojnë procesin e bartjes së pronësisë për banesat, lokalet dhe parkingjet e tyre. Ky hap i fundit ju siguron një qetësi shpirtërore dhe një ndjenjë të plotë sigurie mbi pronën tuaj.

🎉 Urime të gjithë banorëve të Kompleksit PIKA Prestige për këtë arritje të rëndësishme! Faleminderit që na besuat dhe zgjodhët 4A Pika për shtëpinë tuaj të re. Ne jemi të përkushtuar të vazhdojmë të ofrojmë cilësi dhe siguri në çdo projekt që ndërmarrim. 🙏🏼